दैलेखः जिल्लाकाे आठबिस नगरपालिका–१ स्यालाकोटमा बस दुर्घटना हुँदा दुईजनाको निधन भएको छ। कर्णाली राजमार्गअन्तर्गत स्यालकाेटमा बस दुर्घटना हुँदा अन्य १६ जना घाइते भएका छन्।

बिहीबार दिउँसाे कालीकोटबाट सुर्खेतर्फ आउँदै गरेको कर्णाली प्रदेश–०२–००१ ख ०२४७ नम्बरको मिनीबस दुर्घटना भएकाे हाे।  जिल्ला प्रहरी कार्यालय दैलेखका अनुसार बस अनियन्त्रित भई सडकबाट झण्डै सय मिटर तल खसेर दुर्घटना भएको हाे। 

दुर्घटनामा परि एकजनाको घटनास्थलमै र अर्काकाे अस्पतालमा उपचारको क्रममा मृत्यु भएको हो। मृत्यु हुनेमा कालिकोटकाे साविक भर्ती गाविस वडा नम्बर ९ का अन्दाजी ३७ वर्षीय जितेन्द्रबहादुर शाही र कालिकोटकै नरहरिनाथ गाउँपालिकाका कमल विक रहेकाे प्रहरीले जनाएकाे छ। 

अन्य घाइतेमध्ये ७ जनाकाे अवस्था गम्भीर रहेकाे छ। त्यस्तै सामान्य घाइतेहरुको स्थानीय मेडिकलमा उपचार भइरहेको छ।