काठमाण्डू, प्रमुख तीन दलका शीर्ष नेताहरुको बैठक सुरु भएको छ ।
नेकपा एमालेका अध्यक्षसमेत रहेका प्रधानमन्त्री केपी ओली, नेपाली काङ्ग्रेसका सभापति शेरबहादुर देउवा र नेकपा माओवादी केन्द्रका अध्यक्ष पुष्पकमल दाहालसहितको बैठक सिंहदरबारमा जारी छ ।
बैठकमा सङ्क्रमणकालीन न्याय (टीआरसी) बारे छलफल हुने प्रधानमन्त्रीको सचिवालयले जनाएको छ ।
सत्य निरुपण तथा मेलमिलाप आयोग र बेपत्ता छानबिन आयोगमा पदाधिकारी नियुक्ति प्रक्रिया लगायतका विषयमा छलफल गर्ने तयारी भइरहेको बताइएको छ ।
प्रधानमन्त्री ओलीले सङ्क्रमणकालीन न्यायसम्बन्धी सल्लाहकारको रुपमा अग्नि खरेललाई नियुक्त गरिसकेका छन् ।
यसअघि खरेलले प्रमुख प्रतिपक्षी दलका नेता माओवादी केन्द्रका अध्यक्ष दाहाललाई भेटेर सङ्क्रमणकालीन न्यायबारेमा छलफल गर्न निम्तो दिएका थिए ।
बैठकमा राजावादीले बढाएको गतिविधि र गणतन्त्रवादी दलहरूको भूमिकाका विषयमा पनि छलफल हुने बताइएको छ ।
प्रतिक्रिया