काठमाडौं : गायिका अन्जु पन्त वैवाहिक जीवनमा बाँधिएकी छन् । गायिका पन्तले बुधबार प्रेमी थिर कोइरालासँग बिहे गरेकी हुन् । अन्जु र थिर लामो समयदेखि प्रेम सम्बन्धमा रहेको बताइएको छ ।  अन्जु र थिरले चर्चमा क्रिश्चियन परम्परा अनुसार बिहे गरेकी हुन् । 

दुबै जना क्रिश्चियन धर्ममा आस्था राख्ने भएकाले पनि उनीहरुले चर्चमा बिहे गरेका हुन् । अन्जु र थिरको बिहेलाई गोप्य राख्ने प्रयास गरिएको थियो । उनीहरुको बिहेमा सिमित आफन्तहरु मात्र सहभागी रहेको वुझिएको छ ।