नवलपरासीः जिल्लाकाे देवचुली नगरपालिका-२ मा अवस्थित चौधरी उद्योग ग्राममा आगलागी भएको छ। बुधबार बिहान ८ः२० बाट आगलागी शुरु भएकाे हाे।

उद्योगको बियर प्लान्ट र गोदाममा आगलागी भएको छ भने आगाे अझै नियन्त्रणमा आएकाे छैन।

उद्योग प्रशासन प्रमुख दामोदर पौडेलका अनुसार आगलागीकाे कारण हालसम्म पनि फेला पारिएकाे छैन। नेपाली सेना, प्रहरी, कर्मचारी र दमकलकाे साहरामा आगाे नियन्त्रणमा लिने प्रयास भइरहेकाे छ।