एजेन्सी- मजबुत अंकसहित शीर्ष स्थानमा कब्जा जमाइरहेको ला लिगा लिडर एट्लेटिको म्याड्रिड गए राति बराबरीमा रोकिएको छ। घरेलु मैदानमा एट्लेटिकोले सेल्टा भिगोसँग २–२ को बराबरी खेलेको हो।
१३औं मिनेटमै सान्टी मिनाले गोल सेल्टालाई अग्रता दिलाएका थिए। तर पहिलो हाफको अन्त्यमा लुइस स्वारेजले स्लाइडमार्फत गरेको गोलले एट्लेटिको बराबरी गर्न सफल भयो।
त्यस्तै दोस्रो हाफको पाँच मिनेटमै स्वारेजले पुन गोल गर्दै टोलीलाई २–१ को अवस्थामा पुर्याए। तर निर्धारति समयको अन्तिम मिनेट बाँकी छँदा फकुन्डो फेरेराले गोल गरेपछि एट्लेटिकोको यात्रा बराबरीमा सकियो।
बराबरीपछि पनि एट्लेलिको ५१ अंकसहित शीर्ष स्थानमा कायमै छ। दोस्रो स्थानको बार्सिलोनाभन्दा ऊ ८ अंकले माथि छ। त्यस्तै एट्लेटिकोले बार्सिलोनाभन्दा एक खेल कम खेलेको छ।
प्रतिक्रिया