काठमाडाैंः त्रिभुवन आर्मी क्लब र किर्गिस्तानबीच आज दशरथ रङ्गशालामा मैत्रीपूर्ण फुटबल खेल हुँदैछ। एएफसी कप २०२१ प्ले अफको तयारीमा जुटेको नेपाली सेनाको त्रिभुवन आर्मी क्लब र किर्गिस्तानको यू–२३ टीमबीच मैत्रीपूर्ण फुटबल खेल हुन लागेको हो।

थ्री नेसन्स कपका लागि नेपाल आएकाे किर्गिज टाेलीले आज त्रिभुवन आर्मी क्लबकाे सामना गर्दै छ। यसअघि नेपाल र किर्गिस्तानबीचकाे खेल गाेलरहित बराबरीमा टुंगिएपछि नेपाल र बङ्गलादेशबीचकाे खेलकाे नतिजा कुरेकाे किर्गिज टाेली नेपाल र बङ्गलादेश फाइनलमा पुगेसँगै त्रिभुवन आर्मी क्लबसँग मैत्रीपूर्ण खेल खेल्न लागेकाे हाे। 

त्रिभुवन आर्मीका जर्जप्रीन्स कार्कीको कप्तानीमा दिउँसो ३ः३० बजे हुने उक्त खेल रङ्गशाला पुग्ने जोसुकैले निःशुल्क हेर्न सक्ने व्यवस्था मिलाइएको सेनाले जानकारी दिएको छ। त्रिभुवन आर्मी क्लब नेपालको च्याम्पियनशीप विभागीय टीम हो ।