advertisement1

‘वार्मअप’ खेलमा नेपाली महिला टोली विजयी

Maryada News 2021-11-06 19:42:09
‘वार्मअप’ खेलमा नेपाली महिला टोली विजयी

काठमाडौँ : आईसीसी वुमन्स टी २० विश्वकप एसिया छनोट अघिको ‘वार्मअप’ खेलमा नेपाली महिला टोली विजयी भएको छ । बंगलादेश शिक्षा प्रतिष्ठान(बिकेएसपी)लाई २४ रनले पराजित गरि नेपाली टोली विजयी भएको हो ।

ढाकामा टस जितेर पहिला ब्याटिङ थालेको नेपाली टोलीले निर्धारित २० ओभरमा ६ विकेट गुमाउँदै कुल ७२ रन बनाएका थियो । नेपालको लागि कविता जोशीले सर्वाधिक २३ रनको योगदान दिइन् ।

ओपनर काजल श्रेष्ठ १२ र सीता राना मगर ७ रनमा आउट भएका थिए । कप्तान रुविना क्षेत्री बेलबासे १६ रनमा अविजित रहिन् । इन्दु बर्मा ३, सरिता मगर २ र कविता कुँवरले १ रन बनाए। बंगलादेशकी दीक्षाले सर्वाधिक ३ विकेट लिइन् ।

जितका लागि ७३ रनको विजयी लक्ष्य पछ्याएको बिकेएसपी १७.१ ओभरमा ४८ रनमा अलआउट भयो । उनको ओपनर लिसाले सर्वाधिक २५ रन बनाइन् ।

अन्य कुनैपनि ब्याटरले राम्रो प्रदर्शन गर्न सकेनन्। नेपाली स्पिनर संगिता राईले सर्वाधिक ४ विकेट लिइन् । सरस्वती चौधरी, रुविना र सीता र कविता कुँवरले एक एक विकेट लिए ।

नेपाली महिला टोली एक हप्ताको बंगलादेशमा रहनेछ । नेपाली महिला टोलीले थप तीन ‘वार्मअप’ खेलमा खेल्नेछ ।
 

यो खबर पढेर तपाईलाई कस्तो महसुस भयो ?

0%

खुसी

0%

दुःखी

0%

अचम्मित

0%

उत्साहित

0%

आक्रोशित

प्रतिक्रिया

खोज्नुहोस्