काठमाडौं : प्रधानमन्त्री केपी शर्मा ओलीले निर्वाचन आयोगलाई चुनावको तयारी जारी राख्न आग्रह गरेका छन् ।  मंगलबार निर्वाचन तयारीबारे  छलफल गर्न आयोग पुगेर प्रधानमन्त्री ओलीले चुनावको तयारी निरन्तर जारी राख्न आग्रह गरेका हुन् ।

'निर्वाचन आयुक्त दिनेश थपलियाले चुनाव गर्न भइरहेको तयारीबारे प्रधानमन्त्रीलाई जानकारी गराउनुभयो,’ प्रधानमन्त्रीका प्रेस सल्लाहकार सूर्य थापाले भने, ‘प्रधानमन्त्रीज्यूले पनि आयोगका पदाधिकारीहरूलाई यससम्बन्धी काम निरन्तर अघि बढाउन सुझाव दिनुभएको छ।'

नेपाल कम्युनिष्ट पार्टी (नेकपा)को आधिकारिताबारे खासै छलफल नभएको पनि थापाले बताए । प्रधानमन्त्री ओलीसहित महासचिव विष्णु पौडेल र संसदीय दलको उपनेता सुवासचन्द्र नेम्बाङ लगायतका नेताहरू लिएर आयोग पुगेका थिए।