एजेन्सीः बेलायती राजपरिवारका सदस्य तथा राजकुमार फिलिपकाे निधन भएकाे छ। रानी एलिजावेथ द्वितियकाे श्रीमान् राजकुमार फिलिपकाे ९९ वर्षकाे उमेरमा आज शुक्रबार बिहान निधन भएकाे हाे।

फिलिपलाई ड्युक अफ एडिनवर्ग पनि भनिन्थ्याे। फिलिप र एलिजावेथ द्वितियकाे १९४७ मा विवाह भएकाे थियाे। 

बकिङघम प्यालेसले जारी गरेकाे विज्ञप्तिमा भनिएकाे छ- 'अत्यन्तै दुःखका साथ रानीले आफ्नाे श्रीमान, राजकुमार फिलिप ड्युक अफ एडिनवर्गकाे निधन भएकाे बताउनुभएकाे छ।' रानी एलिजावेथ र राजकुमार फिलिपका चार सन्तान, आठ नातिनातिना र १० पनातिपनातिना छन्। ग्रिस र डेनमार्कका राजकुमार फिलिपकाे जन्म १९२१ मा काेर्फुकाे टापुमा भएकाे थियाे।

राजकुमारकाे अन्त्येष्टिका बारेमा थप केही सूचना प्रवाह गरिएका छैन। यद्यपि उनलाई शाही अन्त्येष्टि प्रदान गरिने बेलायती सञ्चारमाध्यमहरूले जनाएका छन्।