काठमाडौं : नेपाल कम्युनिस्ट पार्टी नेकपाको प्रचण्ड–माधव समूहका अध्यक्ष पुष्पकमल दाहाल प्रचण्डले प्रधानमन्त्री केपी शर्मा ओलीलाई कुहिएको अण्डासँग तुलना गरेका छन्। 

शनिबार पार्टी कार्यालय पेरिसडाँडामा आयोजित पार्टी समायोजन तथा पार्टी प्रवेश कार्यक्रमलाई सम्वोधन गर्दै उनले माओत्सेतुङले कम्युनिस्टहरु अण्डा जस्तै फाइदाजनक हुन्छन् तर बिग्रिए भने कुहिएको अण्डा जस्तै हुन्छन् भनेको उल्लेख गर्दै नेकपाका अर्का अध्यक्ष ओली पनि कुहिएको अण्डा जस्तै भएको टिप्पणी गरेका हुन्।

उनले भने, ’एकपटक माओत्सेतुङले बिग्रेका कम्युनिष्टको बारेमा भन्दा सरल उदाहरण दिँदै भन्नुभएको थियो– अण्डा स्वास्थ्यका लागि स्वास्थ्यवर्द्धक हुन्छ तर, अण्डा कुहियो भने त्योभन्दा गन्धा केही हुँदैन’ उनले अगाडि भने, ’कम्युनिष्टहरू राम्रा हुन्छन् तर कुहेर गन्हाउन थाले भने त्यसभन्दा नराम्रो केही हुँदैन, अहिलेका केपी ओली त्यही कुहेको अण्डा हो।’

कुहिएको गन्धा अण्डा खाइदैन, त्यसलाई दप्काइन्छ, गाडिन्छ या जलाइन्छ भन्दै उहाँले आफुहरु स्वस्थवद्र्धक जिवनशील तत्व भएको दाबी गरे। कुहिएको अण्डालाई फ्याके जस्तै ओलीलाई पनि पार्टीबाट मात्रै होइन प्रधानमन्त्रीबाटसमेत हटाउने उनको संकेत थियो। 

कम्युनिस्ट आन्दोलन रुढिबादी नभई वैज्ञानिक आन्दोलन हो भन्दै प्रचण्डले केहि गलत प्रवृतिको प्रवेशपछि सघर्ष चल्ने बताउदै अहिलेको नेकपाको ओली समूहसँग भइरहेको संर्घषसँग दाझेँ।