एजेन्सी, जापानले फिफा विश्वकप २०२६ को एसियाली छनोटको अन्तिम चरणको खेलमा बहराइनलाई २-० ले पराजित गरेको छ।

यो जितसँगै जापान विश्वकपमा आठौं पटक छनोट भएको हो । खेलको ६६ औं मिनेटमा दाइची कामाडाले ताकेफुसा कुबोको पासमा गोल गर्दै जापानलाई अग्रता दिलाएका थिए।

त्यसपछि खेलको ८७ औं मिनेटमा जुन्या इटोको पासमा ताकेफुसा कुबोले गोल गर्दै जापानको जित सुनिश्चित गरे।

जापानले अब मार्च २५, मङ्गलबार साउदी अरबसँग खेल्नेछ।