काठमाडौं : प्रधानन्यायाधीश चोलेन्द्र शमशेर जवराले सोमबार बोलाएको फुलकोर्टमा सहभागी नहुने १४ न्यायाधीशले निर्णय गरेका छन् । आइतबार बसेको सर्वोच्च अदालतका १४ न्यायाधीशहरूको बैठकले सोमबार फुलकोर्टमा सहभागी नहुने सर्वसम्मत निर्णय गरेको एक न्यायाधीशले बताए ।

यसअघि जबराले आइतबारै नेपाल बार एसोसिएसनसँगको छलफलमा सोमबास फुलकोर्ट बोलाउने र त्यस  बारेका प्रतिनिधि पनि सहभागी गराउने बताएका थिए । मन्त्रिपरिषद्मा भाग मागेको र विकृतिविहीन न्यायालय सम्बन्धी अध्ययन समितिको प्रतिवेदन कार्यान्वयन नगरेको लगायतका विषयमा प्रधानन्यायाधीश जबरा विवादित बनेका छन् ।

उनले बारसँगको छलफलमा आफूले गल्ती गरेको ठाउँमा माफी माग्न तयार रहेको बताएपनि सर्वोच्चकै न्यायाधीश उनको विपक्षमा देखिएका छन् ।