काठमाडौं : नेपाल कम्युनिष्ट पार्टी (एमाले) का अध्यक्ष केपी शर्मा ओलीले नेकपा (एकीकृत समाजवादी) का अध्यक्ष माधवकुमार नेपालले वडा सदस्य पनि नजित्ने टिप्पणी गरेका छन् । ‘माधव नेपालले त वडाध्यक्ष त के वडा सदस्य पनि जित्दैनन्,’ मंगलबार (आज) झापा पुगेर ओलीले भने, ‘के कारणले उनलाई भोट हाल्छन् र ?’
नेपालले एमाले बनाउन नभएर बिगार्न खोजेको बताउँदै ओलीले भने, ‘माधव नेपालले पार्टी बनाउँदैनन्, एमाले फुटाउन खोजेको हो बनाउन होइन । फाइदा लिनुसम्म लिए, प्रधानमन्त्री, नेता भए, गुटबन्दी गरे, एमालेलाई माधव नेपालले २४० मध्ये ३३ मा झारे र आफैं राजीनामा गरे ।’
यस्तै ओलीले माओवादी केन्दका अध्यक्ष पुष्पकमल दाहाल ‘प्रचण्ड’ छुट्टु नेता भएको बताएका छन् ।
प्रतिक्रिया