काठमाडौं : अमेरिकी सहयोग परियोजना मिलिनियम च्यालेन्ज कर्पोरेसन (एममीसी)का उपाध्यक्ष फतिमा सुमारले नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’सँग भेटवार्ता गरेकी छन् । सुमार प्रचण्डलाई भेट्न आज बिहान उनको निवास खुमलटार पुगेकी हुन् ।

बिहीबार काठमाडौं आएको सुमार नेतृत्वको टोलीले यहाँका राजनीतिक दलका नेताहरूसित छुट्टाछुट्टै भेटवार्ता गरिरहेका छन् ।
उनीहरूबीच करिब ५० मिनेट भेटवार्ता भएको प्रचण्डका प्रेस सल्लाहकार विष्णु सापकोटाले जानकारी दिए ।

भेटमा प्रचण्डले एमसीसीका सम्बन्धमा राष्ट्रिय सहमति गरेर अघि बढ्नुपर्नेमा जोड दिए । उनले सत्तारूढ गठबन्धनभित्र पनि यस विषयमा साझा धारणा बन्नुपर्ने बताए ।