एजेन्सीः विश्वकै सर्वाधिक लाेकप्रिय क्रिकेट लिग इण्डियन प्रीमियर लिग (आईपीएल)काे १४ औं श्रृङ्खला आज शुक्रबारबाट शुरु हुँदैछ। आजकाे पहिलाे खेलमा साविक विजेता मुम्बइ इण्डियन्स र राेयल च्यालेन्जर्स बेंगलाेर भिड्दै छन्।
मुम्बइ र बेंगलाेरबीचकाे खेल नेपाली समयअनुसार साँझ ७ः४५ बाट शुरु हुँदैछ। मुम्बइ राेहित शर्माकाे कप्तानीमा उत्रिनेछ भने बेंगलाेर विराट काेहलीकाे कप्तानीमा उत्रिनेछ।
मुम्बइसँग दक्षिण अफ्रिकी ब्याट्सम्यान क्विन्टन डि कक र भारतीय टाेलीका सूर्यकुमार यादवजस्ता खेलाडी रहेका छन्। यस्तै न्युजिल्याण्डका ट्रेन्ट बाेल्ट र भारतका सफल बलर जसप्रित बुमराहले मुम्बइलाई बलिङ खेमा तर्फबाट सहयाेग पुर्याउने छन्।
यता बेंगलाेरसँग दक्षिण अफ्रिकी दिग्गज ब्याट्सम्यान एबी डिभिलियर्स र ग्लेन म्याक्सवेलजस्ता खेलाडी रहेका छन् भने बलिङतर्फ बेंगलाेरसँग भारतीय टाेलीका नवदीप सैनी रहेका छन्।
प्रतिक्रिया