बर्दियाः निउरो टिप्न गएकी एक महिलालाई पाटेबाघले लगेकाे छ। बर्दिया राष्ट्रिय निकुञ्जमा निउरो टिप्न गएका तीन महिलामध्ये ठाकुरबाबा नगरपालिका वडा नम्बर ७ की ५५ वर्षीया डल्ली रावतलाई बाघले लगेको निकुञ्जस्थित सेनाले जनाएको छ।

पाटेबाघले लगेकी महिलाकाे खोजी भइरहेको निकुञ्जका सहायक संरक्षण अधिकृत असिमकुमार थापाले जानकारी दिए। 

बर्दिया राष्ट्रिय निकुञ्ज र यस आसपास क्षेत्रबाट बाघको आक्रमणबाट यो वर्ष मात्रै नाै जनाको ज्यान गइसकेको छ।