एजेन्सी : अमेरिकी चर्चित गायिका सेलेना गोमेजले सांगीतिक क्षेत्रबाट नै सन्यास लिने भएकी छन् ।  भोग म्यागाजिनसँग कुराकानीमा गर्दै उनले आफू सांगीतिक क्षेत्रबाट सन्यास लिन लागेको बताएका छन् । 

उनले भनिन् , ‘जब मानिसले तपाइँलाई गम्भीर रुपमा लिँदैनन् तब संगीत गर्न गाह्रो हुन्छ । मेरा जीवनमा त्यस्ता धेरै क्षण आएका छन् । जतिबेला मैले संगीत किन गरिरहेको छु, के कारणले गरिरहेको छु भन्ने आफ्नै प्रश्नको सामना गरेको छु ।’

उनले आफुले निकाल्ने अर्को एल्बम फरक हुने बताउम्दै अब संगीतबाट सन्यास लिनुअघि अन्तिम प्रयास गर्ने बताएकी छिन् । अप्रिल महिनाको भोग कभर फोटोको लागि उनी छनोट भएकी छन् । साथै उनले सात वर्षको उमेर देखि नै अभिनय यात्रा शुरु गरेकी थिइन् ।