विराटनगर : नेकपा विघटनअघि प्रधानमन्त्री केपी शर्मा ओलीले आफू निकट समहूका केन्द्रीय सदस्य बनाएका मोरङका युवराज बाँस्कोटा हत्या आरोपमा पक्राउ परेका छन् । बुधबार मोरङको पथरीशनिश्चरे–१० जिरीखिम्तीका १९ वर्षीय सन्दीप भण्डारीको हत्या अभियोगमा संलग्न बास्कोटा पक्राउ परेका हुन् । 

गत पुस १४ गते भण्डारी पथरीशनिश्चरे २ मंगलबारेस्थित युवराज बाँस्कोटाको घरमा मृत फेला परेका थिए। त्यसपछि मृतकका परिवारले २६ पुसमा ‘कर्तब्य ज्यान’ मुद्दामा बाँस्कोटाविरूद्ध इलाका प्रहरी कार्यालय पथरीमा किटानी जाहेरी दिएका थिए।

किटानी जाहेरी परेपछि अनुसन्धानको लागि नियन्त्रणमा लिएको उनको अहिले अनुसन्धान भइरहेको प्रहरीले जनाएको छ। किटानी जाहेरी परेपछि मोरङ अदालतदेखि मंगलबार पक्राउ पूर्जी जारी दिएपछि उनलाई पथरीदेखि पक्राउ गरिएको जनाइएको छ । मृत अवस्थमा फेला परेका भण्डारीको शरीरमा निलडाम र कानमा पनि चोट देखिएको मृतककी आमा राधिका भण्डारीको भनाई छ ।