ललितपुर : विवेकशील साझा पार्टीले ललितपुर-६ स्थित थैना मिसापुचमा ६० जना महिलालाई नेतृत्व विकास तालिम प्रदान गरेको छ । विवेकशील साझा पार्टी ललितपुर र थैनामिसापुचको संयुक्त आयोजनामा उक्त तालिम प्रदान गरिएको हो । तालिमको संयोजन विवेकशील साझा पार्टीका तर्फबाट बागमती प्रदेश सांसद शोभा शाक्यले गरेकी थिइन् । 

कार्यक्रममा अग्रज प्रशिक्षक शोभा जोशीले महिलाहरुलाई नेतृत्व विकास, समय व्यवस्थापन तथा लैङ्गीक समानता लगायतका विषयमा प्रशिक्षण दिएकी थिइन् । 

कार्यक्रमको सहजीकरण पार्टीको केन्द्रीय प्रशिक्षण विभाग सदस्य अजित खड्काले गरेका थिए । सहभागीहरुले तालिमबाट जीवनपयोगी र व्यवहारिक ज्ञान हासिल गरेको प्रतिक्रिया दिएका छन् । थैना मिसापुचका अध्यक्ष अनिता बज्राचार्यका अनुसार महिला शसक्तिकरणका अन्य कार्यक्रमहरु पनि चाँडै सञ्चालनमा ल्याइने छन् ।