काठमाडौं : गृहमन्त्री रामबहादुर थापा ‘बादल’ले थारु कल्याणकारी सभा, थारुहट–थारुवान संयुक्त संघर्ष समितिले अघि सारेका मागप्रति सरकार सकारात्मक रहेको बताएका छन् । बिहीबार माईतीघर मण्डलामा आयोजित धर्ना कार्यक्रममा सरिक हुँदै गृहमन्त्री थापाले यस्तो बताएका हुन्।

वार्ता तथा संवादबाट नै समस्याको समाधान गर्नुपर्नेमा गृहमन्त्री थापाकोे जोड छ । उनले माग पूरा गराउनको लागि सरकार सकारात्मक रहेको भन्दै त्यसको लागि वार्ता टोली गठन गरेर अघि बढ्ने र समस्याको समाधान पनि छिट्टै हुने विश्वास दिलाए ।