काठमाडौं : १११औं अन्तर्राष्ट्रिय महिला दिवसको अवसरमा 'इम्पेरियल टक्स : जेन्डर इक्वेलिटी' विषयक अन्तर्कृयात्मक कार्यक्रम सम्पन्न भएको छ। आइतबार इम्पेरियल बिजनेस कलेज फ्रेण्ड्स क्लबको आयोजनामा उक्त अन्तर्कृयात्मक कार्यक्रम सम्पन्न भएको हो ।
  
कार्यक्रमका माइती नेपालकी संस्थापक तथा बागमति प्रदेशकी पूर्व प्रदेश प्रमुख अनुराधा कोइराला, अभिनेत्री रेखा थापा र युवा अभियन्ता/अधिकारवादी तथा विवेकशील नेपालकी नेतृ रजिया बानु प्रमुख वक्ताका रुपमा सहभागी थिए । कार्यक्रममा सहभागी वक्ताहरुले विद्यार्थीहरुले सोधेका महिला अधिकार, सशक्तिकरण, समावेशिता तथा महिला हिंसा सम्बन्धी प्रश्नको जवाफ दिएका थिए । 

कार्यक्रममा कलेजका प्रमुख शैक्षिक सल्लाहकार डा. कमलदीप ढकाल, प्रमुख कार्यकारी अधिकृत जीवन लामा गोले, प्रिन्सिपल प्रजित कुमार तिमल्सिनााकाे विशेष सहभागिता थियो ।