काठमाण्डू, राजतन्त्र पुनर्स्थापनाको माग काठमाडौंको तीनकुनेमा जारी राजावादीहरूको प्रदर्शन बिथोलिएको छ ।

अहिले प्रदर्शनकारीहरू र प्रहरीबीच झडप भइरहेको छ । प्रदर्शनकारी बानेश्वरतर्फ अघि बढ्न खोजेपछि प्रहरीले बल प्रयोग गरेको हो ।

प्रहरीले भीडलाई तितरबितर पार्न अश्रुग्याससमेत प्रहार गरेको छ । आज प्रदर्शनीमार्गमा गणतन्त्रपक्षधर समाजवादी मोर्चाको आन्दोलन छ ।

एकै दिन दुई आन्दोलन हुँदा सुरक्षा चुनौती बढेको छ । प्रदर्शनका क्रममा घुसपैठ हुनसक्ने भन्दै प्रहरीले कडा निगरानी गरिरहेको छ ।