लोकप्रिय गायक शिव परियारको लोक फ्युजन गीत 'दुई दिनको मायाले' युटुबको ट्रेण्डिङमा जमिरहेको छ। हालेै प्रशिद्ध छिन्नलता पुरस्कार विजेता परियारको दुई दिनको मायाले रुवाउनु रुवायो 'धोकेबाज' पहिलो दिनवाटै ट्रेण्डिङमा आएको हो।
सामाजिक संजाल फेसबुकमा  कृतज्ञता ब्यक्त गदै  लोकप्रिय गायक परियारले आफ्नो नया गीत ट्रेण्डिङमा आएको भन्दै दर्शक तथा श्रोतालाई धन्यवाद दिएका छन।नेपाली सुगम संगीतका लोकप्रिय गायक शिव परियारको नयाँ गीत सार्वजनिक भएसंगै दर्शक श्रोताले नया स्वाद पाएका थिए।

लोकप्रिय गायक शिव परियारले ल्याएको नयाँ गीत बिहीबार काठमाडौंमा पत्रकार सम्मेलन गरी सार्वजनिक गरिएको हो । गीत सार्वजनिकपछि गायक शिव परियारले आफूले सबैखालको गीत गाउँदै आएको र यसपटक लोकफ्युजन शैलीको गीत ल्याएको बताए ।
शिव परियारको स्वरमा रहेको नया गीतमा रविन लामिछानेको शब्द र युवराज मगरको संगीत छ । गीतलाई एचबीएन किस्मतले एरेन्ज गरेका हुन् । गीतमा लोकप्रिय कलाकार आश्मा विश्वकर्मा फिचर्ड छिन। 

लोकप्रिय गायक शिव परियार हालै सम्मानित छिन्नलता पुरस्कारवाट विभुषित भएका थिए। राजधानीमा आयोजित विशेष समारोहमा गायक परियारले प्रधानमन्त्री केपी शर्मा ओलीवाट एक लाख राशी सहितको छिन्नलता पुरस्कार ग्रहण गरेका हुन।