पत्रकार एवं गायिका ईश्वरी बरालको नयाँ गीत ‘माया छ कि छैन’ सार्वजनिक भएको छ। 
पत्रकारितालाई जीवन्त राख्दै यस अघिनै  सांगीतिक संसारमा प्रवेश गरेकी गायिका बरालका नरिसाउन होइ, खानदानी छोरी, हरेक रात सपनीमा हुन्छु, तिम्रै रानी, लभ पर्न सक्छ लगायतका गीत बजारमा आईसकेका छन्।

चटपटे स्वादका पारखीहरुवाट विशेष रुचाइएकी बराल आम संचार तथा पत्रकारिताकी स्नातकोत्तर हुन। मुलधारको पत्रकारितामा जमेकी बरालले गायनसंगै नृत्य-अभिनयको यात्रामा समेत पाईला चालेकी छन।  

हालै बजारमा आएको बरालको नया गीतमा आर्यन सिग्देल,सुजल बम र मोनिका बोहराको नृत्य र अभिनय छ।  गीतको म्युजिक भिडियोमा गायिका बरालको पनि अभिनय र नृत्य देख्न सकिन्छ।शब्द ,संगीत र एरेन्ज विपिन आचार्यको रहेको गीत एम बी म्युजिक रेकर्डिङ स्टुडियोमा रेकर्ड गरिएको हो। गीतको निर्देशक मुस्कान ढकालले गरेका हुन भने छायांकन नवराज उप्रेतीले गरेका छन्।