काठमाडौं : नेपालमा पछिल्लो २४ घण्टामा ५९१ जना कोरोना संक्रमित थपिएका छन् । स्वास्थ्य मन्त्रालयका अनुसार देशभरका विभिन्न प्रयोगशालामा गरिएका ११ हजार ३५५ नमूना परिक्षणमा उक्त संख्यामा संक्रमण पुष्टि भएको हो ।

मन्त्रालयका अनुसार पछिल्लो २४ घण्टामा ६६४ जना कोरोनामुक्त भएका छन् । यससँगै हालसम्म कोरोनाबाट मुक्त हुनेको संख्या ७ लाख ८९ हजार ७८९ सय २५ पुगेको छ ।

त्यस्तै गत २४ घण्टामा देशभरमा २ जना कोरोना संक्रमितको मृत्यु भएको छ । यससँगै हालसम्म कोरोनाबाट ज्यान गुमाउनेको संख्या ११ हजार ३ सय ८२ पुगेको छ ।

त्यस्तै अहिलेको अवस्थामा नेपालमा १० हजार २३६ जना सक्रिय संक्रमित रहेको पनि मन्त्रालयले जनाएको छ ।