काठमाडौं : राष्ट्रपति विद्यादेवी भण्डारीले नेपालीहरूको महान् चाड बडादसैँको नवौँ दिन नवकन्याहरूको पूजा गरेकी छन् । बिहीवार राष्ट्रपति भवन शीतलनिवासमा राष्ट्रपति भण्डारीले नवकन्याहरूको पूजा गरेकी हुन् ।

बडादसैँको पहिलो दिन शैलपुत्री, दोस्रो दिन व्रह्मचारिणी, तेस्रो दिन चन्द्रघण्टा, चौथो दिन कुष्माण्डा, पाँचौँ दिन स्कन्दमाता, छैटौँ दिन कात्यायनी, सातौँ दिन कालरात्रि, आठौँ दिन महागौरी र नवौँ दिन सिद्धिदात्री देवीको पूजा गरिन्छ ।