काठमाडौं : अग्रज साहित्यकार इन्द्रकुमार श्रेष्ठ ‘सरित’ पुराना गीतकार पनि हुन् । उनै अग्रज साहित्यकर्मी इन्द्रकुमार श्रेष्ठ सरित को गीत ‘नशालु छ यो रात’ शिर्षकको  भिडियो सार्वजनिक भएको छ । गीत नेपाली चलचित्र ‘रिभेन्ज’ मा संलग्न रहेको छ । ‘नशालु छ यो रात’ गीतको भिडियो ओएसआर डिजिटल  युटयुब च्यानलमार्फत सार्वजनिक गरिएको जनाईएको छ ।

गीतमा युवा गायक दिपक घिमिरे र  दिलु श्रेष्ठको स्वर रहेको छ । इन्द्रकुमार श्रेष्ठ ‘सरित’को शब्द रहेको यो गीतमा राजु लामाले संगीत भरेका छन् । गीतमा जवानीको आवेग, माया र जिन्दगीको चर्चा गरिएको छ । ‘नशालु छ यो रात’ गीतको भिडियो छायाङ्कन कृष्ण पाण्डेले गरेका हुन भने भिडियो सम्पादन बिश्वास भण्डारीले गरेका छन् । 

चलचित्र रिभेन्जमा रबिन श्री, पुस्पराज नेपाल, पदम सुनार, खगेन्द्र घिमिरे, रोशन बिसी, विशाल अग्रवाल, रेनु थापा, गङगा कुवर, अम्बिका खड्का लगायतको जोडदार अभिनय रहेको छ। बिन श्री र माया चाहरलाई फिचरिङ गरिएको गीतमा  अमन कुमार देव र पुष्पराज नेपाल निर्माता हुन् । गीतको निर्देशन शंकर अधिकारी ‘घायल’ले गरेका हुन् ।

हेर्नुहोस् भिडियो...