एजेन्सीः काेपा अमेरिकाकाे सेमिफाइनल खेलमा विजयी हुँदै अर्जेन्टिना फाइनल प्रवेश गरेको छ। बुधबार बिहान सम्पन्न खेलमा कोलम्बियालाई हराउँदै अर्जेन्टिना फाइनल प्रवेश गरेको हो।
निर्धारित ९० मिनेटकाे खेल १–१ गोलको बराबरीमा सकिएपछि पेनाल्टीमा जाने निर्णय गरिएकाे थियाे। पेनाल्टी सुटआउटमा अर्जेन्टिनाले ३-२ गाेलअन्तरले काेलम्बियालाई पराजित गर्याे।
पहिलाे हाफकाे सुरुवाती समयमै अर्जेन्टिनाले लौटारो मार्टिनेजको गोलबाट अग्रता लिएको थियो। लियोनल मेस्सीकाे असिस्टमा मार्टिनेजले गोल गरेका थिए। पछि दोस्रो हाफमा लुइस डियाजले गाेल गर्दै कोलम्बियालाई खेलमा फर्काएका थिए।
अर्जेन्टिनाले अब उपाधिका लागि ब्राजिलसँग भिड्नेछ। फाइनल खेल आइतबार जुलाई ११ मा नेपाली समयअनुसार बिहान ५ः४५ बाट शुरु हुनेछ।
प्रतिक्रिया