एजेन्सीः जारी काेपा अमेरिका फुटबल प्रतियाेगितामा अर्जेन्टिनाले दाेश्राे जित निकाल्दै आफ्नाे क्वार्टरफाइनल यात्रा तय गरेकाे छ। मङ्गलबार बिहान भएकाे खेलमा अर्जेन्टिनाले पाराग्वेलाई १-० गाेलअन्तरले हराउँदै अन्तिम ८ मा स्थान बनाउन सफल भएकाे हाे। 

अर्जेन्टिनाका लागि खेलकाे १० औं मिनेटमा एलेजान्ड्रो गोमेजले निर्णायक गोल गरेका थिए। एन्जल डी मारियाको असिस्टमा उनले गोल गरेका थिए। पछि पहिलो हाफको थप गरिएकाे एक मिनेटकाे समयमा एन्जल डि मारियाले गोल गरेपनि साे गाेल अफसाइड भएपछि अर्जेन्टिना एक गाेलकाे अग्रतामै चित्त बुझाउन बाध्य भयाे।

जितसँगै अर्जेन्टिना समूह ‘ए’ मा ३ खेलमा २ जित र एक बराबरीबाट ७ अंक जोड्दै शीर्षस्थानमा रहेकाे छ।