एजेन्सीः बलिउड नायिका रकुल प्रीत सिंह अब 'कण्डम टेस्टर' बन्ने भएकी छिन्। रनी स्क्रुवालाकाे आरएसभिपी मुभिजले हालै नयाँ चलचित्रकाे घाेषणा गरेकाे छ, जसमा रकुल प्रीतले कण्डम टेस्टरकाे भूमिका निभाउने भएकी हुन्। 

नयाँ चलचित्रकाे नाम हालसम्म टुंगाे लगाइएकाे छैन। तेजस देओस्करकाे निर्देशनमा बन्ने चलचित्र पूर्ण पारिवारिक हुने बताइएकाे छ। निर्देशक देओस्करले 'चलचित्र पूर्ण सामाजिक, पारिवारिक र मनाेरञ्जनात्मक' हुने बताएका छन्।

यस्तै चलचित्रमा रकुल नै उत्कृष्ट विकल्प भएकाे पनि उनले बताएका छन्। चलचित्र कण्डमकाे सही उपयाेग कसरी गर्ने भन्नेबारे भएकाले रकुलले यस भूमिकालाई निभाउन सक्ने उनले विश्वास लिएका छन्। रकुल संवेदनशील र विचाराेत्तेजक चलचित्रकाे लागि पहिलाे राेजाइ भएकाे पनि उनले बताएका छन्। 

भारतीय सञ्चारमाध्यमका अनुसार रकुल प्रीत याे चलचित्रकाे लागि निकै उत्साहित छिन्। चलचित्रमा उनकाे भूमिका थाहा पाउनासाथ उनी निकै उत्साहित भएकी र तत्काल चलचित्रकाे लागि राजी भएकी बताइएकाे छ। 

भारत यतिबेला काेराेनाबाट आक्रान्त बनेकाे कारण स्थिती सामान्य हुनासाथ चलचित्रकाे छायांकन केही महिनामै शुरु गरिने बताइएकाे छ। 

'कण्डम टेस्टर' कण्डम कम्पनीहरूले काममा राखेका कर्मचारी हुन्। कुनै पनि कम्पनीले आफ्नाे उत्पादनलाई बजारमा लैजानुपूर्व यस्ता टेस्टरमार्फत कण्डमकाे जाँच गर्ने गर्दछन्।