एजेन्सी- युवा पुस्ताका बलिउड अभिनेता वरुण धवन विवाह बन्धनमा बाँधिएका छन्। वरुण धवनले नताशा दलालसँग विवाह गरेका हुन्। 

उनीहरूबीच लामो समयदेखि प्रेमसम्बन्ध चलिरहेको थियो। २४ जनवरीमा वरुण र नताशाको प्रेम विवाह बन्धनमा परिणत भएको हो। 

वरुण–नताशाको विवाह कडा सुरक्षाको साथ भएको थियो। समारोहमा सहभागी सबैको कोरोना परिक्षण गरिएको थियो। यस्तै विवाहको फोटो लिक नहोस् भनेर स्टाफहरुको मोबाइलको क्यामरामा स्टिकर समेत टाँसिएको थियो। 

वरुण र नताशा बाल्यकालदेखिकै साथी हुन्। नताशा प्रोफेसनले फेसन डिजाइनर हुन्। 

भारतीय सञ्चारमाध्यमका अनुसार साथीभाई र बलिउडकर्मीलाई २ फेबु्रअरीमा मुम्बईमा रिसेप्सन राखिने तयारी गरिएको छ।