चितवनः बँदेलको अक्रमणबाट जिल्लाकाे माडी नगरपालिकामा एक जनाको निधन भएको छ। माडी नगरपालिका–८ शान्तिपुरका ४५ वर्षीय नवराज ढकालकाे बँदेलकाे आक्रमणबाट ज्यान गएकाे इलाका प्रहरी कार्यालय माडीले जनाएको छ।

बारीमा घाँस काटिरहेको समयमा बँदेलले आक्रमण गर्दा घटनास्थलमा नै उनकाे निधन भएकाे प्रहरीले जनाएको छ। घटना शुक्रबार साँझ भएको हो।

यस्तै माडी नगरपालिकाकै बडा नम्बर ५ राधापुरमा पाेखरीमा डुबेर एक बालककाे निधन भएकाे छ। सुरेश दराईको एक वर्षीय छोरा सुसन दराईकाे डुबेर ज्यान गएकाे हाे। इलाका प्रहरी कार्यालय माडीका अनुसार आफ्नै घर सिँचाइका लागि बनाइएको पोखरीमा डुबेर उनकाे निधन भएको हो।