काठमाडौं : साइकल यात्री यमलाल रसाइलीको कोरोना संक्रमणबाट निधन भएको छ । उनको शुक्रबार बिहान ४ बजे निधन भएको पारिवारिक स्रोतले जनाएको छ । अपाङ्गता भएका रसाइलीले एउटै खुट्टाको साहारामा मेची महाकाली साइकल यात्रा गरेका थिए ।

उनले भारतका विभिन्न ठाउँ तथा नेपालको मुगुको रारा तालमा समेत साइकल यात्रा गरेका थिए । अपाङ्ग अधिकार तथा सहयोगमा सक्रिय रसाइली अपाङ्ग चेतना समाज लम्की चुहा नगरपालिका कैलालीका कोषाध्यक्ष समेत थिए ।