काठमाडाैंः नेपालमा पछिल्लाे २४ घण्टामा तीन सय तीन जनामा थप काेराेना भाइरसकाे संक्रमण पाइएकाे छ। स्वस्थ्य तथा जनसंख्या मन्त्रालयले आइतबार गरेकाे प्रेस ब्रिफिङअनुसार नेपालमा संक्रमितकाे कुल संख्या दुई लाख ८० हजार २८ जना पुगेका छन्।

आजकाे तथ्यांकसहित नेपालमा हाल सक्रिय संक्रमितकाे संख्या दुई हजार नाै सय ६१ रहेकाे छ।

यस्तै पछिल्लाे २४ घण्टामै नेपालमा एक सय ४१ जना संक्रमणमुक्त भएका छन्। याेसहित नेपालमा संक्रमणमुक्त हुनेकाे संख्या दुई लाख ७४ हजार २७ पुगेकाे छ। त्यस्तै पछिल्लाे २४ घण्टामै एक जनाकाे काेराेना संक्रमणका कारण निधन भएकाे छ। याेसहित नेपालमा काेराेना संक्रमणका कारण निधन हुनेकाे संख्या तीन हजार ४० पुगेकाे छ।

हाल नेपालभर दुई हजार नाै सय ६१ जना आइसाेलेसनमा छन् भने ८३ जना क्वारेन्टिनमा रहेका छन्।