एजेन्सीः क्रिकेट जगतका दिग्गज खेलाडी रिकी पाेन्टिङकाे किर्तिमान ताेडिएकाे छ। अष्ट्रेलियाकै एक महिला खेलाडीले पाेन्टिङकाे किर्तिमान ताेडे‍की हुन्। 

एकदिवसीय क्रिकेटमा पाेन्टिङकाे नेतृत्वमा अष्ट्रेलियाले लगातार २१ खेल जितेकाे थियाे। यद्यपि आइतबार भएकाे अष्ट्रेलिया र न्युजिल्याण्डबीचकाे खेलमा ६ विकेटकाे जित निकाल्दै अष्ट्रेलिया महिला क्रिकेट टाेलीकी कप्तान मेघ लानिङले लगातार २२ खेलमा जित निकाल्दै पाेन्टिङकाे किर्तिमान ताेडेकी हुन्।

अष्ट्रेलियाकाे महिला टोली पछिल्लो पटक २०१७ काे अक्टोबरमा पराजित भएको थियो। त्यसयता एकदिवसीय क्रिकेटमा अष्ट्रेलिया महिला टोलीले लगातार जित निकाल्दै आएको छ। लानिङ सन् २०१४ यता टोलीको कप्तानको भूमिकामा छिन्।