सर्लाहीः जिल्लाकाे मलंगवा नगरपालिकामा टाउकाे छिनालिएकाे शव फेला परेकाे छ। शव मलंगवा नगरपालिका-१० का ३० वर्षीय सुशील रायकाे भएकाे पुष्टि भएकाे छ।

बिहीबार बिहान स्थानीयले शव देखेपछि प्रहरीलाई खबर गरेका थिए। घटनास्थल भन्दा करिब ६० मिटर पर शवकाे टाउकाेसमेत फेला परेपछि मृतककाे पहिचान भएकाे सर्लाही प्रहरीले बताएकाे छ। 

नगरपालिकाकै वडा नम्बर ९ मा रहेकाे एउटा खेतमा सुशिलकाे शव फेला परेकाे हाे। बुधबार रातिदेखि सम्पर्कबिहीन भएका सुशिलकाे धारिलो हतियारले प्रहार गरि टाउकाे छिनालिएकाे प्रहरीले जनाएकाे छ।

प्रहरीले हत्याकाे अनुसन्धान गरिरहेकाे र छिट्टै हत्यारा सार्वजनिक गर्ने बताएकाे छ।