एजेन्सी । म्यानमारमा गत साेमबार सेनाले गरेकाे कू काे विराेधमा त्यहाँका चिकित्सकले आज (बुधबार)बाट सेवा ठप्प गरेका छन् । म्यानमारकाे करिब ३० वटा सहरका ७० भन्दा बढी अस्पतालका चिकित्सकले बुधबार सेवा ठप्प पारेकाे म्यानमार नागरिक अवज्ञा आन्दाेलनले बताएकाे छ । 

अवज्ञा आन्दाेलनकाे विज्ञप्तिमा भनिएकाे छ- 'म्यानमारकाे सेनाले काराेना महामारीबाट पीडित आम जनताकाे समस्या नबुझी आफ्नाे स्वार्थलाई माथि राखेकाे छ ।' म्यानमार काेराेना भाइरसले आक्रान्त बनेकाे दक्षिण एसियाली मुलुक हाे । म्यानमारमा काेराेना संक्रमणका कारण तीन हजार एक सय भन्दा बढीकाे ज्यान गएकाे छ । 

अवज्ञा आन्दाेलनकाे विज्ञप्तिमा भनिएकाे छ -'हामी असंवैधानिक सैनिक सरकारकाे कुनैपनि आदेश पालना गर्ने छैनाैं जसले गरिब र निमुखा जनताकाे समस्यालाई बुझेकाे छैन ।'

नागरिक अवज्ञा आन्दाेलनमा थुप्रै विद्यार्थी र युवाकाे सहभागीता रहिसकेकाे छ ।