काठमाडौं । सरकारका उपप्रधानमन्त्री इश्वर पोखरेलले हिजो (बिहीबार) प्रचण्ड–माधव समूहले गरेको नेपाल बन्दमा जलाइएको ट्याक्सीका ट्याक्सीधनीलाई क्षतिपूर्ति दिने बताएका छन् । 

ओली समूहले आज आयोजना गरेको आमसभामा सम्बोधन गर्दै मन्त्री पोखरेलले आन्दोलनका नाममा अराजकता गरेर जनतालाई दुःख दिने प्रवृत्तिको निन्दा गर्ने भन्दै जनताले पाएको दुःखको क्षतिपूर्ति सरकारले दिने बताएका छन् । 

उनले भने– ‘नेपाल बन्द गराउने जनविरोधीलाई निन्दा गर्न चाहन्छु । हिजो आन्दोलनको नाममा अराजकता गर्नेलाई दुःख दिए । ट्याक्सीमाथि तोडफोड र आगजानी गरियो । त्यसलाई सरकारले सबै क्षतिपुर्ति दिन्छ ।’

ट्याक्सीका धनीमात्र नभएर प्रचण्ड–माधव समूहको हड्तालका कारण क्षति बेहोर्न पुगेका सम्पूर्णलाई सरकारले क्षतिपूर्ति दिने समेत उनले बताए ।