एजेन्सीः बलिउडका चर्चित संगीतकार साजिद खानले आफ्नाे नाम बदलेका छन्। भाई वाजिद खानकाे नामसमेत जाेडेर उनले आफ्नाे नाम 'साजिद वाजिद' बनाएका हुन्। 

साजिद र वाजिदले बलिउडमा थुप्रै हिट गीत दिइसकेका छन्। 'मुन्नी बदनाम हुइ' जस्ताे आइटम गीतदेखि 'तेरे मस्त मस्त दाे नयन' जस्ता मेलाेडी गीतमा आफ्नाे संगीत कला पस्केका साजिद र वाजिदले बलिउडमा पृथक पहिचान नै बनाएका थिए।

सन् २०२० मा वाजिद खानकाे काेराेना संक्रमणका कारण निधन भएकाे थियाे। उनकाे निधनले बलिउड शाेकमा डुबेकाे थियाे। 

साजिदका अनुसार उनले आफ्नाे भाईकाे यादलाई सदैव जीवित राख्न आफ्नाे नाम परिवर्तन गरेका हुन्। मानिसहरूले उनलाई साजिद वाजिद नै भनेर बाेलाउन भन्दै उनले नामकाे पछाडीकाे खान हटाएर वाजिद थपेका हुन्। 

यसका साथै साजिदले भनेका छन् कि उनले यसअघि कहिल्यै साेच्दै नसाेचेका धूनहरू कम्पाेज गर्न थालेका छन्। आफ्नाे भाई वाजिद आफूसँगै रहेकाे र उनैले यस्ता धूनहरू भर्न प्रेरित गरिरहेकाे उनकाे भनाइँ थियाे।