काठमाडौँ : विदेशमा कोरोना सङ्क्रमणबाट  ज्यान गुमाउने नेपालीको सङ्ख्या शून्यमा झरेको छ ।  पछिल्लो ६ सातायता पहिलो पटक विदेशमा सङ्क्रमणका कारण हुने मृत्यु शून्य भएको हो । 

गैरआवासीय नेपाली सङ्घ (एनआरएनए) का अनुसार गत वर्षदेखि विश्वव्यापीरुपमा फैलियो कोरोना भाइरस सङ्क्रमणका कारण गत सातासम्ममा २१ देशमा रहेका ३४१ नेपालीको निधन भएको थियो । यस साता कोरोना सङ्क्रमण दरमा समेत उल्लेख्यरुपमा कमी आएको सङ्घले बताएकाे छ  ।

यस साता स्वीडेन, स्पेन, केन्या, युएइमा रहेका थप नेपालीमा थप कोरोना सङ्क्रमण देखिएको छ ।हालसम्म विदेशमा कोरोना संक्रमणबाट  तीन हजार १४ जनाको मृत्यु भएको छ ।  यस्तै विश्वका ५३ देशमा ६३ हजार ३०७ नेपालीमा कोरोना पुष्टि भएको छ ।