नवलपरासी : नवलपुरको दुम्कौलीमा दुईवटा ट्रक एकापसमा ठोक्किँदा दुई जनाको मृत्यु भएको छ। दुर्घटनामा परी दुई जना घाइते भएका छन् ।
गए राति भएको दुर्घटनामा परी पोखरा महानगरपालिका–१५ बस्ने ५१ वर्षीय खिमबहादुर विक र हेटौँडा उपमहानगरपालिका बस्ने ३४ वर्षीय राजकुमार न्यौपानेको मृत्यु भएको हो।
जिल्ला प्रहरी कार्यालय नवलपरासी (बर्दघाट सुस्तापूर्व)का अनुसार विक ना६ख ३०११ नंको ट्रक चालक र न्यौपाने ना७ख ७०२३ नंको ट्रक चालक हुन्।
ट्रकका सहचालक तनहुँ बन्दीपुर गाउँपालिका–३ बस्ने १८ वर्षीय विश्वास शाही र बवही गाउँपालिका–६ दाङ बस्ने ३३ वर्षीय घनश्याम खड्का घाइते भएका छन्। घाइते दुवैको अवस्था गम्भीर रहेको र पुरानो मेडिकल कलेज भरतपुरमा उपचार भइरहेको प्रहरी नायब उपरीक्षक दिलीपकुमार गिरीले जानकारी दिएका छन्।
प्रतिक्रिया