नेपाल प्रहरीका ८ जना प्रहरी वरिष्ठ उपरीक्षक (एसएसपी) प्रहरी नायव महानिरीक्षक (डीआईजी) मा  सिफारिस भएका छन्। आइतबार बेलुका बसेको बढुवा समितिको बैठकले जनपदतर्फ रिक्त ८ डीआईजीमा बढुवाका लागि सिफारिस गरेको एआईजी टेकप्रसाद राईले जानकारी दिए।

यसपटक डीआईजी बढुवा भने वरिष्ठताक्रम अनुसार भएको छ। आईजीपी कुँवरको ब्याचका ध्रुवबहादुर राउत, भोलाबहादुर रावल र गणेश चन्दलाई क्रमशः पहिलो दोस्रो र तेस्रो नम्बरमा बढुवाका लागि सिफारिस गरिएको छ। यस्तै राष्ट्रिय अनुसन्धान विभागबाट आएको टोलीबाट सिद्धि विक्रम शाह, सुशिल सिंह राठौर, उमाप्रसाद चतुर्वेदी, हिमालय कुमार श्रेष्ठ र डम्बरबहादुर बिक डीआईजीमा सिफारिस भएका छन्। बढुवा हुने मध्ये डम्बरबहादुर बिकले दलित समुदायकै प्रथम डिआईजीको रुपमा इतिहास कायम राखेका छन।