काठमाडौं : नेकपा ओली समूहले सर्वोच्च अदालतले तोकेकै समयमा संसद बैठक बोलाउने निर्णय गरेको छ ।  बुधबार बसेको नेकपा ओली समूहको स्थायी कमिटी बैठकले  सर्वोच्च अदालतले गरेको फैसला स्वीकार गर्ने निर्णय पनि गरेको ओली समूहका प्रवक्ता एवम् परराष्ट्रमन्त्री प्रदीपकुमार ज्ञवालीले बताए ।

‘संसद अधिवेशन निर्धारित समयमै आह्वान गर्ने निर्णय भएको छ । फैसलाले दिएको समयसीमा भित्रै बैठक बस्छ’, ज्ञवालीले भने ।त्यस बीचमा अन्य राजनीतिक दलहरुसँग पनि छलफल हुने उनले बताए ।