लेटेस्ट न्युज
advertisement1

विष्णु माझीको अवस्थाबारे प्रहरीको सोधखोज

Maryada News 2021-09-13 14:38:26
विष्णु माझीको अवस्थाबारे  प्रहरीको सोधखोज

काठमाडौँ: चर्चित गायिका विष्णु माझीको अवस्थाबारे सामाजिक सञ्जालमा विभिन्न टिकाटिप्पणी हुन थालेपछि प्रहरीले माइती पक्षसँग सोधखोज गरेको छ ।  सोमबार जिल्ला प्रहरी कार्यालय स्याङ्जाका एसपी होबिन्द्र बोगटी नेतृत्वको टोली माझीको माइतीघर रहेको स्याङ्जाको चापाकोटमा पुगेर सोधखोज गरेको हो । 

सोधेखोजका क्रममा माझी नआएको वर्षौँ भइसकेको जानकारी आएको बोगटीले जानकारी दिए । उनका अनुसार राष्ट्रिय मानवअधिकार आयोगले माझी लामो समयदेखि सार्वजनिक नभएको भन्दै उनको अवस्थाबारे सत्यतथ्य सार्वजनिक गर्न आग्रह गर्दै जिल्ला प्रशासन कार्यालय स्याङ्जामा पत्र पठाएको थियो ।

सोही पत्र प्रशासनले प्रहरीमा पठाएपछि बोगटी नेतृत्वको टोली माझीको अवस्थाबारे बुझ्न माइतीघर रहेको चापाकोट पुगेको हो । बोगटीले प्रहरी पत्रको आधारमा माइतीपक्षका आफन्तकहाँ बुझ्न पुगेको भएपनि आफूहरुले उनीहरुलाई झिकाउने लगायतका प्रक्रियाका बारेमा भने कसैले लिखित उजुरी दिएको सन्दर्भमा मात्रै हुनसक्ने बताए । 

पछिल्लो समय माझीले गाएको ‘चरी जेलैमा’ बोलको तीजको गीत चर्चामा आउँदै गर्दा विष्णु माझीको रहस्यमय जीवनशैलीबारे सामाजिक सञ्जालमा विभिन्न टिप्पणी हुँदै आएका छन् । यसअघि पनि विष्णु माझीबारे खोजबिन हुँदा माझी श्रीमान सुन्दरमणि अधिकारीसँगै जिल्ला प्रशासन कार्यालय स्याङ्जामा पुगेर आफू राजीखुशीले सार्वजनिक नभएको बयान दिएकी थिइन् ।

यो खबर पढेर तपाईलाई कस्तो महसुस भयो ?

0%

खुसी

0%

दुःखी

0%

अचम्मित

0%

उत्साहित

0%

आक्रोशित

प्रतिक्रिया

खोज्नुहोस्