काठमाडौं :  नेकपा एमालेको आज (सोमबार) बसेको स्थायी कमिटी बैठकले विभिन्न ९ विभागहरु गठन गरेको छ । पार्टीलाई नयाँ गतिमा अघि बढाउन वडा तहदेखि नै अधिवेशन गर्ने निर्णय गरेको प्रचार विभाग प्रमुख प्रदीपकुमार ज्ञवालीले बैठकपछि सञ्चारकर्मीहरुलाई जानकारी दिए ।

निर्णयानुसार गठित विभागमध्ये स्कूल विभागको प्रमुखमा अध्यक्ष केपी शर्मा ओली रहने भएका छन् । स्कूल विभागमा ११ जना सदस्य चयन गरिएको छ।

यस्तै, उपमहासचिव विष्णु पौडेललाई संगठन विभागको प्रमुखको जिम्मेवारी दिइएको छ।संगठन विभागमा १४ सदस्य रहने जनाइएको छ। विभागमा माधव नेपाल समूहलाई भने समेटिएको छैन । पार्टी एकता प्रक्रियालाई निरन्तरता दिँदै हाललाई माधव नेपाल समूहलाई नसमेटिएपनि नेपाल पक्षका लागि अन्य विभागहरु खाली राखिएको छ ।