माेरङः रेडियो सञ्चालकहरूको सङ्गठन ब्रोडकास्टिङ एसोसिएशन अफ नेपाल (बान) का अध्यक्ष चन्द्र न्यौपानेको शुक्रबार बिहान निधन भएको छ। ५० वर्षीय न्याैपानेकाे कोरोना सङ्क्रमणका कारण निधन भएको हो।

न्यौपानेको विराट मेडिकल कलेजमा उपचारकाे क्रममा निधन भएको नेपाल पत्रकार महासंघ सुनसरीका अध्यक्ष जनकऋषि राईले जानकारी दिए। न्यौपाने इटहरीको सप्तकोसी एफएमका स्टेशन म्यानेजर र विज्ञापन बोर्डका सदस्य समेत थिए।

कोरोना सङक्रमण पुष्टि भएपछि न्यौपानेलाई वैशाख २८ गते बेलुका अस्पताल भर्ना गरिएका थियो। अवस्था जटिल भएपछि भेन्टिलेटरमा राखेर उपचारसमेत गरिएकाे थियाे।