काठमाडाैंः राष्ट्रपति विद्यादेवी भण्डारी र प्रधानमन्त्री केपी शर्मा ओलीको तस्बिरमा गाेबर छ्याप्ने एक विद्यार्थी नेता पक्राउ परेका छन्। नेपाली कांग्रेसकाे विद्यार्थी संगठन नेपाल विद्यार्थी संघका नेता नवराज त्रिपाठीलाई आज बानेश्वरबाट प्रहरीले गाेबर छ्यापेकाे आराेपमा पक्राउ गरेको हो। 

प्रधानमन्त्री ओलीकाे सिफारिसमा राष्ट्रपति भण्डारीले असंवैधानिक तरिकाले प्रतिनिधि सभा विघटन गरेकाे र महामारीमा निर्वाचन घाेषणा गरेकाे भन्दै विराेधमा उत्रिएकाे नेविसंघले आफ्ना पक्राउ परेका नेता त्रिपाठीकाे यथाशीघ्र रिहाइ गर्न माग गरेकाे छ। 

यस्तै नेविसंघले लोकतन्त्रवादीहरू एक जुट भई संविधानको संरक्षण र ओलीलाई सत्ताच्युत गर्न पनि आग्रह गरेकाे छ।