काठमाडौं : रुकुम पश्चिमको चौरजहारी नगरपालिकाले जनयुद्ध दिवसको अवसरमा सार्वजनिक विदा दिएको छ। जनयुद्धको उद्गम थलो मानिने चौरजहारी नगरपालिकाले फागुन १ र २ गते सार्वजनिक विदा दिने निर्णय गरेको हो। 

जिल्ला समन्वय समितिको माघ १६ गते बसेको बैठकले पनि जनयुद्ध दिवसको अवसरमा सार्वजनिक विदा दिने निर्णय गरेको थियो।

त्यसकै आधारमा चौरजहारी नगरपालिकाले माघ २९ गते नगर कार्यपालिकाको बैठकबाट दुई दिन सार्वजनिक विदा दिने निर्णय गरेको थियो।