काठमाडौं : संघीय संसद सचिवालयमा कार्यरत उपसचिवको कोरोना संक्रमणबाट मृत्यु भएको छ । केही महिनाअघि मात्र कानुन, न्याय तथा संसदीय मामिला मन्त्रालयबाट संसद सचिवालयमा सरुवा भएर आएका उपसचिव कृष्ण खनालको शुक्रबार बिहान मृत्यु भएको संसद सचिवालयले जनाएको छ ।

सचिवालयका अनुसार खनालको पत्थरीको उपचारका लागि भर्खरै शल्यक्रिया भएको र मुटु सम्बन्धी पनि स्वास्थ्य समस्या रहेको थियो । त्यहि समस्याका कारण उनी अस्पताल भर्ना भएको संसद सचिवालयले जनाएको छ । उनका अनुसार संसद सचिवालयले सांसद पदाधिकारी र कर्मचारीको पीसिआर परीक्षण अनिवार्य गरेपछि उनले २ दिन अघि २२ गते संघीय संसद भवन नयाँ बानेश्वरमा स्वाव दिएर गएका थिए । २३ गते बिहिबार मात्र उनमा कोरोना पुष्टि भएको थियो । कोरोना देखिएको दोस्रो दिनमा नै उनको मृत्यु भएको छ ।