काठमाडौं : कलाकार रोशनी केसीले निर्देशन गरेको म्युजिक भिडियो त्यही सच्चा नेपाली नेपाल म्युजिक एण्ड फेशन अवार्ड २०७७ मा उत्कृष्ट भएको छ । देश प्रेम, राष्ट्र भक्तिले ओतप्रोत गीतलाई भ्रष्टाचार र वेथितिविरुद्ध जागेका युवा जगतले बढी मन पराएका  थिए ।

आनन्द अधिकारीको गीतमा चर्चित गायिका देविका वन्दना र राजन इशानको स्वर छ भने विक्रम स्वारले कोरियोग्राफी गरेका छन् । चीज कुमार श्रेष्ठको प्रस्तुती रहेको त्यही सच्चा नेपालीमा  ३० भन्दा बढी कलाकारको अभिनय रहेको छ ।

भिडियोमा संस्कृतविद्ध सत्यमोहन जोशी, कलाकारहरु नीर शाह, गौरी मल्ल, करिश्मा मानन्धर, निर्मल शर्मा, राजाराम पौडेल, दीपाश्री निरौला, नम्रता सापकोटा, निराजन प्रधान, प्रशान्त ताम्राकार, आकाश श्रेष्ठ, उषा खड्गी, कविता शर्मा, दीलिप रायमाझी, अनु शाह, छुल्ठिम गुरुङ, धीरेन शाक्य, सम्राट सापकोटा, शिवशंकर रिजाल, खुश्बु खड्का, कविता खड्का, दीपा शाक्य, रजनी केसी, दीपक घिमिरे, शिलाष्मा हमाल, गायिका देविका बन्दना लगायतका कलाकारको अभिनय छ । उत्कृष्ट गीत बनेपछि मर्यादा न्यूजसँग कुरा गर्दै निर्देशक केसीले भनिन्, 'देशभभक्तिले प्रेरित गीत बनाउँदा जति आनन्द आएको थियो उत्कृष्ट हुदा खुशी नहुने कुरै भएन ।'

भिडियो हेर्न यहाँ क्लिक गर्नुहोस्...